• Indicaziuns legalas

Indicaziuns legalas

Responsabladad

MeteoNews SA presta ses servetschs tenor las reglas renconuschidas da la scienza e tecnica meteorologica. Sin fundament dal grond dumber da facturs che influenzeschan l'aura na pon las cundiziuns meteorologicas effectivas però betg vegnir preditgas cun segirezza. Las prestaziuns da MeteoNews SA preschentan plitost prognosas che sa basan sin l'experientscha cun tschertas probabilitads. Differenzas da las cundiziuns meteorologicas effectivas n'èn betg d'evitar. Sin questa pagina-web metta MeteoNews SA a disposiziun prestaziuns gratuitamain. Cun utilisar la pagina-web na vegn betg fatg in contract cun MeteoNews SA. Utilisaders da questa pagina-web nizzegian damai tut las infurmaziuns disponiblas sin questa pagina sin agen ristg. Per la correctadad, l'exactadad, l'actualitad, la disponibladad, la cumplettadad e per eventuals ulteriurs facturs da las infurmaziuns disponiblas qua na vegn dà nagina garanzia e surpiglià nagina responsabladad. MeteoNews SA na stat buna ni per donns materials ni donns directs che resultan da l'utilisaziun da questa pagina-web e da las infurmaziuns disponiblas sin quella. Las indicaziuns sin questa pagina-web èn nunliantas e vegnan messas a disposiziun unicamain per intents d'infurmaziun. Ellas pon vegnir midadas da tut temp senza preavis. MeteoNews SA surpiglia obligaziuns e responsabladads per products u per servetschs sulettamain a basa da las cunvegnientschas contractualas respectivas cun includer las cundiziuns generalas da fatschenta actualas.

Copyright

Ils dretgs d'autur e tut ils auters dretgs en connex cun il cuntegn (texts, datas, maletgs, videos, programs u autras datotecas) da questa pagina-web tutgan a MeteoNews SA u als possessurs dals dretgs numnads separadamain.

MeteoNews SA lubescha explicitamain:

  • da chargiar giu u da stampar singulas paginas da questa pagina-web per il diever privat e betg commerzial u public, uschenavant ch'i na vegnan betg eliminadas las indicaziuns dal copyright, da las funtaunas u autras indicaziuns protegidas legalmain;
  • da posiziunar colliaziuns a paginas cumplettas da questa pagina-web (uschia che quellas vegnan visualisadas en il navigatur a moda integrala e betg en il rom d'ina pagina-web estra, vesair sutvart) sin autras paginas-web, per diever privat u commerzial.

Ils dretgs als cuntegns posseda er en quels cas MeteoNews SA u ils possessurs dals dretgs numnads separadamain.

Senza il consentiment preliminar en scrit da MeteoNews SA èsi scumandà explicitamain:

  • da reproducir u d'utilisar ulteriuramain paginas u singuls elements da questa pagina-web sco era scadina autra utilisaziun per il diever commerzial u public;
  • d'integrar cuntegns u cuntegns parzials da questa pagina-web en autras apps u paginas-web (saja quai a maun da selecziuns maschinalas u manualas, a maun da l'integraziun cun iFrames, img tags u auters meds).

Exceptada è sulettamain l'utilisaziun da pitschens maletgs da prevista u da texts descriptivs en registers-web, maschinas da retschertga, blogs u raits socialas uschè ditg che questa utilisaziun serva sulettamain per valitar ina colliaziun a nossa pagina-web e betg per intermediar cuntegns sco tals.

Process automatisads che visitan nossa pagina-web per intents d'indexaziun (uschenumnads bots) ston sa tegnair a las reglas descrittas en robots.txt che valan sco quasistandard renconuschì en l'internet (vesair http://www.robotstxt.org/).

Colliaziuns

MeteoNews SA n'è betg obligada da verifitgar las paginas-web colliadas cun questa pagina-web e na surpiglia nagina responsabladad per ils cuntegns e las purschidas da quellas.

Protecziun da datas

Per elavurar ina dumonda d'incumbensa po MeteoNews SA modifitgar las datas da l'utilisader en il rom dal dretg da protecziun da datas entaifer ed ordaifer la Svizra u las laschar elavurar da terzas persunas. Uschiglio vegnan las datas transmessas cun funcziuns activas a MeteoNews SA duvradas unicamain en il rom da l'elavuraziun da l'incumbensa e betg dadas vinavant a terzas persunas. Datas da clients pon vegnir elavuradas e memorisadas per intents statistics.

Google Analytics

Questa pagina-web utilisescha Google Analytics. Il servetsch d'analisa-web da la Google Inc. («Google») dovra uschenumnads cookies – datotecas da text che vegnan memorisadas sin Voss computer e che pussibiliteschan d'analisar Voss diever da la pagina-web. Las infurmaziuns davart il diever da questa pagina (inclus Vossa adressa IP) che genereschan cookies vegnan transmessas ad in server da Google en l'USA e memorisadas là. Google utilisescha questas infurmaziuns per evaluar Voss diever da la pagina-web e per cumpilar rapports davart las activitads sin la pagina-web sco era per far ulteriurs servetschs en connex cun il diever da la pagina e da l'internet. Google vegn eventualmain er a confidar questas infurmaziuns a terzas persunas, uschenavant che quai è prescrit da la lescha u sche terzas persunas elavuran questas datas per incumbensa da Google. Google na metta en nagin cas en relaziun Vossa adressa IP cun autras datas da Google. Vus pudais impedir che cookies vegnan installads cun endrizzar la software da Voss navigatur correspundentamain; nus As rendain però attent che Vus pudais alura eventualmain betg nizzegiar cumplainamain tut las funcziuns da questa pagina-web. Cun duvrar questa pagina-web giais Vus d'accord che Google elavurescha Vossas datas en la moda e maniera e per l'intent descrit survart.

Reclama da partenaris externs

MeteoNews SA lubescha a partenaris-web externs sco p.ex. Goldbach Audience (Switzerland) SA d'inserir reclama sin la pagina-web. Questas interpresas tramettan eventualmain lur agens cookies a Voss computer, sco sche Vus avessas visità ina pagina da lur pagina-web. Ciccai qua, sche Vus vulais vegnir a savair dapli co che Goldbach Audience (Switzerland) SA dovra cookies e ramassa e retschaiva infurmaziuns.

 

Quick access to our weather portal

Reach our weather portal even faster by placing a shortcut directly on your home screen:
  • 1. Tap
  • 2. To the home screen
  • 1. Tap
  • 2. Tap 'Add to Home screen'
  • 3. tap 'Add'
  • 1. Tap
  • 2. Tap 'Add to Home screen'
  • 3. tap 'Add'