MeteoNews preschenta l'aura er en rumantsch! (31 da fanadur 2012)

MeteoNews preschenta l'aura er en rumantsch!

12:48 Peter Wick

MeteoNews, il pli grond servetsch meteorologic en Svizra, preschenta a partir dal 1. d'avust sin il portal meteorologic da meteonews.ch l'aura er en rumantsch. Mintga di vegnan derasadas tut las datas meteorologicas e tut ils texts curts en rumantsch.

Peter Wick, CEO e proprietari da MeteoNews: "Gia adina essan nus colliads profundamain cun la Svizra. Igl è noss martgà da chasa e nus prognostitgain l'aura en Svizra trais giadas il di per passa 15 regiuns. Uschia pudain nus ans occupar meglier da las cundiziuns regiunalas meteorologicas e climatologicas e preannunziar l'aura per noss clients e per ils visitaders da nossa pagina-web, tuttina nua ch'els èn e tuttina sch'els lavuran, fan u van en vacanzas.

Cun porscher nossa pagina-web er en rumantsch servin nus ussa tut las linguas naziunalas – e quai sco emprim portal meteorologic en tut il mund. Las translaziuns ha fatg la Lia Rumantscha (liarumantscha.ch). I ma stat fitg a cor da resguardar las circumstanzas svizras originaras en noss bel pajas multifar e perquai avain nus amplifitgà noss portal meteorologic cun la quarta lingua naziunala. Igl è gia adina stà mes siemi da pudair porscher a las Rumantschas ed als Rumantschs ina pagina meteorologica. Punctualmain per il 1. d'avust, prest sco regal d'anniversari, va la pagina online."

meteonews.ch/rm

  • fanadur 2012
gli. ma. me. gie. ve. so. du.
01
02 03 04 05 06 07 08
09 10 11 12 13 14 15
16 17 18 19 20 21 22
23 24 25 26 27 28 29
30 31

communicaziuns a las medias fanadur 2012

Would you like to receive information like this by email? Sign up for our email newsletter!